Bottom Headline : Indo-US deal signed.
AAJ TAK Host with an Economics professor :
Prof Ji Aapko kya lagta hain is deal ka impact kya hoga dono desho ki economic ties par.
The prof about to speak, suddenly the Host stops him and says:
Humein abhi abhi ek breaking news mili hain, hum aapko le jaate hain humare samwaad daata Rajeev ke paas jo is waqt maujood hain Healthy Tommy Hospital ke paas. Jee Rajeev-
Rajeev: Haan Sanjay. Humein abhi abhi yaha khabar milli hain ki Shahrukh Khan Ji ka jo Kutta hain Pappu, uski tabiyat achanak bahut kharab hain. Humein yeh pata nahin chal paaya Pappu ko hua kya hain, lekin hum poori koshish karenge aur jankari paane ki. Abhi tak bas itna pata chal paaya hain ki Unhe is waqt Mumbai ke mashhoor haspatal Healthy Tommy mein bharti kiya gaya hain, aur unka illaj jaari hain. Jee Sanjay
Sanjay : Kahi jayiyega nahin is par abhi ek ghante ka special hoga, AAJ TAK par.
Some infomercials
Sanjay : Abhi 4:30 se 5:30 special "Pappu ko kya hua?"
Humare saath honge duniye ke mashhur vet Dr. Chowtala jo Kutto par specialize karte hain.
Then some photographs of Pappu with Shahrukh and kids get displayed : Exclusively on Aaj tak.
In the background Sanjay.
Pata nahin kya beet rahi hogi is samay Shahruk aur unki family par aur khaas kar Pappu ki "kutiya" Pappi par...
Sanjay : Haan Rajeev kuch pata chala hain
Rajeev : Jee Sanajay, abhi abhi yeh khabar mili hain ki, Pappu ne khoon ki ultiya ki thi. Aur usse tabhi Haspatal ki ambulance mein lakar ICu mein le liya gaya tha. Uss par saare tests chal rahein hain, abhi initial Diagnosis ke basis par Haspatal ke Doctor kuch bata nahin paa rahein hain. Jee Sanjay
Sanjay : Kaisa mahaul hain waha par, koi Pappu ke sagge sambandhi se baat ho paayi hain. Rajeev,
Rajeev: Haan sanjay yaha par ek khamoshi si chayi hui hain, sabke manme ek hi sawal hain aakhi Pappu ko hua kya? Yaha par logon ke mu band aur aankhon mein aasoon hain koi kuch kehne ki haalat mein nahin. Lekin humein iss par Shahrukh ka chowkidar se baat karenge jo Pappu ko roz ghumane le jaata hain.
Rajeev to Chowkidaar: To aapko kaisa lag raha hain?
Chowkidar : Jee bahut bura lag raha hain (with tears in his eyes). Pata nahin ab main kya karunga uske bagair. Main Pappu ko roz ghumata aaya hoon, agar usse kuch ho gaya to main kya karunga.
Rajeev: To aap Pappu ko kab se jante hain?
Chowkidar: Jee jab woh ek chhota sa bacha tha tab se. Maine usse paal pos kar badha kiya aur ab (again cries).
Rajeev: Aakhir Pappu ko hua kya?
Chowkidar: Pata nahin bas achanak hi bachon ke saath khelte khelte woh ulti karne laga. Aur hum usse haspatal le aaye, doctor bhi kuch bata nahin rahein.
Rajeev: Jee dhanywad hum se baat karne ke liye. Main Rajeev, Happy Tommy Haspatal, Mumbai, AAJ TAK, namaskar.
Sanjay: Dhanyawad Rajeev. Aur humein abhi abhi khabar mili hain ki desh bhar mein logon ne Mandiro mein prasad chadaye hain. Aapne abhi dekha kitnia bheed thi haspatal ke saamne bhi.. Saare desh is sahanabhuti Pappi aur Shahrukh ki family ke saath hain.. Aur yeh bhi pata chala hain ki Shahrukh ne 1 lakh rupaye bhi Mumbai Kutta palan Association ko diye, Pappu ki achhie sehat ki manokamna karte hue...
Kahin jayiyega mat, hum pesh karenge... Aakhir Pappu ko hua kya? Theek 4:30 baje.
Infomercials
Now we are back to the studio live
Sanjay : Pesh karte hain "Aakhir Pappu ko Hua kya?"
Humare saath hain shehar ke bade Vet Dr. Chowtala, to chowtala ji aapko kya lagta hain, Pappu ko hua kya?
Chowtala: Sanjay ji, yeh toh bagair saari reports ko dekhe bolna mushkil hain. Lekin jiss tarah ki pehli reports mili hain, aur pappu ne jo khoon ki ulti ki hain usse lagta hain ki shayad usse Cancer hain.
Yeh kehna bahut mushkil hain lekin, agar woh early stages mein hain to shayad Pappu bach sake.
Sanjay: Yeh to bahut dardnak khabar hain.
Chowtala: Lekin yeh confirm nahin kiya ja sakta bagair final reports ke.
Then the channel starts flashing Breaking News : "Shayad Pappu ko cancer hain"
Sanjay: Dhanyawad chotala ji humare show par aane ke liye.
Abhi humare samvaaddata rajeev se baat hui hain. To Rajeev koi nayi khabar.
Rajeev: Haan Sanjay abhi abhi hapatal ke mahanideshak ne press conference kar ek achhi khabar sunai hain.. Unka kehna hain ki Pappu ab stable hain, aur unki iss haal ki wajah food poisoning hain.
Yeh sunte hi saari janta mein sansani phel gayi, aur Police uss Raju Dog food store ke proprietor ki talash mein nikali hain.
Sanjay : Dhanywad Rajeev. Aur humare samvaddata Manoj Raju food store par hain.
Manoj : Yaha par khabar mili hain ki Police ne unhe pakad kar police hirasat mein le liya hain. Uss par Negligence ka case to banega hi aur police puri koshish karegi ki Attemp to murder ka case bhi bane.
Sanjay: Dhanyawad Manoj.
Again Aaj tak flashes, "Breaking News : Pappu ko food poisoning, Raju remand par"...
I close the tv.
I look for news at 9pm.
Aaj tak flashes, "Breaking News : Pappu ko food poisoning, Raju remand par"...
And the same interview of Dr. Chowtala being shown (even after it is known that it is food poisoning)...
Indo-US nuke deal is a small news forgotten.
Good Night
Courtesy : Kalyan
